Ajeeb larka hoon khud ko jalana chahtaa hoon

Mai khud ko rakh ker kaheen bhool jana chahtaa hoon

Mere naseeb ki khushiyaan bhee kab mili mujh ko
Bas ab to umer bher aansoo bhana chahtaa hoon

Najanay kitni mohabbat hai ranj-o-ghum se mujhe
Koi bhee dard ho dil mai chupana chahtaa hoon

Baha baha k ye aasnoo bikhar chuka hoon bahut
Simat k zaat mai ab muskurana chahtaa hoon

Jisay eik umer dil mai chupa k rakha hai
Wo raaz aaj mai sab ko batana chahtaa hoon

Wahee hai yaad jo acha kaha hai logon ne
Baqi saaray sitam bhool jana chahtaa hoon

Mujhe zamanay ne pathar samjh liya hai mager
Mai eik larka hoon sab ko batana chahtaa hoon

Jo mujh se rooth chuki hain zamanay ki khushiyaan
To mai bhee un khushiyoon se rooth jana chahtaa hoon

Koi to ho jo lagaye mujhay seenay se
Kisi ko mai bhee apnay ghum sunana chahtaa hoon

Tu apnay dil k her eik dar ko khool day
Main dard ban ker teray dil mai aana chahtaa hoon