Apni duniya basaye rehte hain
Aag dil mein lagaye rehte hain

Kya khabar yeh ranj-o-gham kya hai
Kya khabar kyun ashk aaye rehte hain

Ek talism shaam-e-shehr-e-yaaraan ka
Ek fareb mein din bitaye rehte hain

Kis gumaan mein yeh loug hain ya Rab!
Kyun yeh sar ko uthaye rehte hain

"Bazm-e-yaaraan" se dil jo bhar gaya ab hum
"Bazm-e-yaadaan" sajaye rehte hain

Ban ke khoon ashqon mein beh gaya hai dil
Mujh mein ab yeh kis ke saaye rehte hain

Is se barh kar to ishq humse kya ho ga
Uske khat hum Quraan banaye rehte hain

Tera ehsaan hai ke ab tere atta karda zakhm
Qalam pe sher ban ke aaye rehte hain

Mera qalam hai magar shair-go nahin hoon main
Mujhe to gheb se elhaam aaye rehte hain